Friday, November 15, 2013

ଫାଇଲିନ୍ ଓ ବୁଢ଼ିମା




ବୁଢ଼ିମା ଆଜି ବସିଛି କାଲିପରି
ଚିନ୍ତାବିହୀନ ଦମ୍ଭ ଚେହେରା ନେଇ

ଫାଇଲିନ୍ ମଣିଷର  ବଡ଼ପଣ ଭାଙ୍ଗିଛି
ଧରଣୀ କ୍ଷତ ବିକ୍ଷତ, ବିଛ୍ଛିନ୍ନ
ଅକଳନୀୟ କ୍ଷତି, ଜୀବନ ବ୍ୟତିବ୍ୟସ୍ତ

ବୁଢ଼ିମା କିନ୍ତୁ ଦମ୍ଭ

ସେ ଚାଟଶାଳି ବି ଯାଇନି
ବିଜ୍ଞାନ ବା କେମିତି ବୁଝିବ
ତା ପାଇଁ ଏହା ଦେବୀ ଦେବତାର କୋପ
କାରଣ ମଣିଷ ତାମଣିଷପଣିଆ ଭୁଲିଛି

ଜୀବନର କେତେ ମୋଡ଼ ଡେଇଁ ଡେଇଁ
କଣ ସେ ନ ଦେଖିଛି
ଏତେ ବଡ ଭୟଙ୍କର ବାତ୍ୟା
ତଥାପି ତା ଦମ୍ଭ ଭାଙ୍ଗିନି

ପରିବାର ଯେବେ ବ୍ୟସ୍ତ
କିଛି ନାଇଁର ପରିବେଶରେ
ସେ ସମାଜର ମେରୁଦଣ୍ଡ ପରି ଠିଆ ହେଇଛି
ତା ସାମ୍ନାରେ ଫାଇଲିନ୍ ହାର୍ ମାନିଛି

Labels: ,

Friday, November 01, 2013

ବନ୍ୟା ଆସିଛି

ଜୀବନ ଯେବେ
ମାଟିର ରଙ୍ଗରେ ରକ୍ତାକ୍ତ ହୁଏ

ସବୁଜ କ୍ଷେତରେ ଯେବେ
ବାଦାମୀ ସମୁଦ୍ର ଳହଡ଼ି ଖେଳେ

ଅଙ୍କା ବଙ୍କା ରାସ୍ତା
ଘର ବାଡ଼ି ବଗିଚା
ଛୋଟ ବଡ କେତେ ସଂସାର
ପାଣି ଘେରରେ ଅଦୃଶ୍ୟ ହେଇଯାଏ

କେତେ ଅସଜଡା ଜିବନ
କେଉଁ ଏକ ଛାତ ଉପରେ
ରାତି ରାତି ଭୋକ ଉପାସ ରେ କାଟେ

ସବୁଆଡେ ଖବର ଖେଳେ
ବନ୍ୟା ଆସିଛି
ଯେବେ ଚତୁର୍ଦ୍ଦିଗ ବାଦାମି ମରୁଭୂମି ର ରୁପ ନିଏ
ଜୀବନ ଯେବେ

ମାଟିର ରଙ୍ଗରେ ରକ୍ତାକ୍ତ ହୁଏ!